Videorektoskopiya (videoproktoskopiya) nədir?

Videorektoskopiya (videoproktoskopiya) düz bağırsağın və anal kanalın kamera ilə təchiz olunmuş alət vasitəsilə müayinəsidir. Görüntü monitora verilir, həkim selikli qişanı böyüdülmüş və aydın görür. Müayinə qısa çəkir, adətən anesteziya və xüsusi hazırlıq tələb etmir.

• Anoskop — qısa alətdir, əsasən anal kanalı göstərir.
• Proktoskop və rektoskop — daha uzun alətlərdir, düz bağırsağın daha dərin hissəsini görməyə imkan verir.
• Bu alətlərin video variantlarında görüntü kamera vasitəsilə ekrana verilir. Həkim daha aydın görür, xəstə də istəsə izləyir.

Anusdan qan gəlməsi, defekasiya zamanı ağrı, anus ətrafında düyün və ya şiş, qaşınma, selikli və ya irinli axıntı olduqda. Həmçinin babasil, anal çat, polip, fistula və kondiloma şübhəsində və əməliyyatdan sonra nəzarət üçün.

Müayinə ağrıkəsici gel ilə aparılır. Əksər xəstələr yalnız yüngül narahatlıq hiss edir. Çox ağrılı anal çatda həkim müayinəni ehtiyatla aparır.

Adətən xeyr. Bəzən müayinədən əvvəl kiçik təmizləyici imalə tövsiyə olunur. Kolonoskopiyadan fərqli olaraq pəhriz saxlamaq və bağırsağı tam təmizləmək lazım deyil.

Xeyr. Videorektoskopiya bağırsağın yalnız son hissəsini göstərir. Bütün yoğun bağırsağı görmək və xərçəng skrininqi aparmaq üçün kolonoskopiya lazımdır.